حصوة المرارة التفاصيل الكاملة
د. أحمد أبو النصر
أيسك.. ربنا خالق لينا فى الكبد ألية لمنع تراكم الكولسترول فى الكبد وانسداده بمعنى طبى أدق القنوات المرارية وانسدادها
أليه الكبد لمنع تراكم حصوة المرارة سائل مثل الصابون السائل إسمه العصارة المرارية أو العصارة الصفراوية . هذا السائل نقصه هوه قطعيا السبب الأول والمباشر لحدوث حصوات المرارة .
جميل إذن الصفرا وظيفتها منع تراكم الكولسترول أو الشمع ماهو إذن دور الحويصلة المرارية ؟
زيادة تركيز السائل المرارى ٢٠ ضعف يعنى الكبد ينتج الصابون السائل اللى بيغسل الشمع والدهون والمرارة تزيد من تركيز هذا الصابون السائل .
جميل هل لهذه العصارة الصفراوية أدوار أخرى ؟
طبعا طبعا إمتصاص كل الفيتامينات الدوابة بالدهن ألف كاف دال هاء و كل منتجات الأوميجا ٣ معنى كده أنا لو عندى كبد دهنى أو مرارة كل الفيتامينات دى هيكون فيها خلل .
جميل حصوة المرارة بتتكون ليه ؟
بسبب قلة إنتاج العصارة المرارية اللى المفروض تغسل الكبد فالشمع بيتراكم فى الكبد ويتكلس .
جميل إيه الأسباب اللى بتخلى العصارة الصفراوية تقل ؟
١ـ إرتفاع الإستروجين :- زيادة أكل الفراخ بكميات رهيبة وهيه أكله صويا – حبوب منع الحمل – عدم القدرة على تكسير الاستروجين بسبب قلة تناول فيتامين كاف الموجود فى البقدونس .
٢- إرتفاع الكورتيزول :- التوتر العصبى و توتر الجسم بسبب العدوى المزمنة .
٣- إرتفاع الأنسولين المفاجئ :- أكلات السكر الأبيض بكميات كبيرة جدا و العيش والمكرونة والمخبوزات والبسكويت .
٤- قلة تناول السمنة والزبدة الطبيعى الطبيعى الطبيعى قلتها ٣ مرات أهوه الزبدة اللى ب ٢٠٠ جنيه دى مستحيل تكون طبيعى دى مهدرجة قاتلة .
٥- تناول مضادات الحموضة بإنتظام بتقلل من العصارة جدا .
٦- قلة تناول الخضروات و الألياف :- من كتر ما العصارة الصفراوية مهمة جدا للإنسان البكتريا النافعة بتعمل إعادة تدوير للعصارة الصفراوية تانى وترجعها الكبد تانى البكتريا دى أكل عيشها الألياف إن أنت قللت من تناول الألياف هتقلل فرص إعادة التدوير .
الحل ؟
أعكس الأسباب اللى فوق
١- كل بقدونس كتير جدا و امنع حبوب منع الحمل فى غاية الخطورة .
٢- هدى أعصابك التوتر العصبى بيزود الكورتزول والزعل بيفقع المرارة على رأى المثل المصرى أهم نبات مهدئ جميل الريحان رائع .
٣- أبعد عن السكريات تماما .
٤- تناول الدهون المشبعة مثل الزبدة و السمنة بإنتظام بحد أقصى ٢ ملعقة كبيرة يوميا .
٥- خف من أدوية الحموضة وعالج سببها لو هية مزمنة .
٦- ضيف ألياف لأكلك مثل الردة أو النخالة بتغسل الأمعاء من البراز المتحجر و بتساعد البكتريا النافعة على النمو .
شير لغيرك و قوله دا دليل كامل للتعامل مع أمراض الكبد و المرارة .
دمتم بصحة
الدكتور أحمد أبو النصر .
