مايعرفوش الحكاية
بقلمي نرمين بهنسي
أيسك.. لو كانوا يعرفوك بجد،
كانوا فهموا إن التغير اللي حصل فيك ماكانش فراغ…
كان تعب، ووجع، ودروس قاسية دفعت فيها من نفسك كتير.
كانوا عرفوا إنك اتعلمت من الخذلان، ومن السكوت، ومن اللي اتكسر جواك ومحدش حس بيه.
لكن هما شايفين بس إنك اتغيرت…
وبيستنكروا ده، وبيحكموا عليك من غير ما يعرفوا التفاصيل.
مابيشوفوش غير النتيجة،
لكن الحكاية؟
مايعرفوهاش…
عشان كده، مبقاش يهمك رضاهم،
ولا رأيهم…
كل انتباهك بقى لنفسك،
للي لسه بتتلم، وبتقوم، وبتحب نفسها من جديد.
مايعرفوش الحكاية،
بس إنت عارف… وكفاية.
