“البيت هو البداية
بقلمي نرمين بهنسي
أيسك.. الناس دايمًا بيشوفوا العالم من بره، لكن الحقيقة إن اللى بيحصل جوه البيوت هو اللى بيمهد الطريق لكل حاجة تانية. فيه نساء كتير قاعدين في بيوتهم، لكن الدور اللي بيقوموا به مش أقل تأثيرًا من أي حد في الشارع أو في المكاتب.
المرأة اللي قعدة في بيتها، مش مجرد ربة منزل زي ما بيشوفها البعض، هي مرشدة وأم ومعلمة، وهي اللي بتبني جيل كامل. بتعلم أولادها قيم الحياة، وتزرع فيهم الأخلاق والتعامل الصحيح مع الناس. المرأة دي بتكون على اتصال يومي مع كل فرد في عيلتها، وبتأثر فيهم بشكل لا يتخيلوه.
ده غير إن المرأة اللي بتبني بيتها بشكل كويس هي أساس المجتمع كله. لما تدي فرصة لأولادها علشان يكونوا ناجحين، فهي بتبني كمان مجتمع قوي وقادر على التطور. ساعات كتير دور المرأة في البيت بيكون أساسي أكتر من العمل في الخارج، لأن الشغل الحقيقي هو بناء الإنسان، وده اللى بيحصل في البيت.
المرأة دي مش بس ربة منزل، هي قائد ومؤثر في مجتمعها بطريقة غير مباشرة، لكن تأثيرها قوي. لو المجتمع فهم قد إيه الناس اللى في البيوت بيعملوا دور مهم، هنقدر نقدرهم أكتر ونعرف قيمتهم الحقيقية.
في النهاية، ممكن تكون المرأة قاعدة في بيتها، لكن ده مش معناه إنها مش بتأثر. البيت هو البداية، ومنه بيطلع كل شيء عظيم.
