لما البطل يتعب
بقلمي نرمين بهنسي
أيسك.. في العادي، الناس بتفتكر إن البطل ما بيقعش.
اللي دايمًا بيطمنهم، ما بيتعبش.
ال كدةلي بيضحك الكل، عمره ما بيعيط.
بس الحقيقة غير كده خالص.
أوقات البطل بيتعب، بس بيكتم.
مش علشان قوي، لكن لأنه مش لاقي حد يحتمل وجعه.
مش لاقي مساحة يقول فيها “أنا مش تمام”.
لما يحاول يشتكي، الناس تستغرب:
“إزاي؟ ده أنت دايمًا واقف!”
آه، واقف.. بس جواه عاصفة.
في عز ما بيواسي الناس، بيبقى هو محتاج حضن.
في عز ما بيشيل هموم الكل، بيكون قلبه مثقوب.
بس البطل اتعود يكون الظهر، والسند، والصوت اللي ما بيرتعش.
وما حدش فكر يسأله: “إنت عامل إيه بجد؟”
اللي بيشيل الناس، محتاج يتشال.
اللي بيطمن غيره، محتاج حد يطمنه.
مفيش حد قوي طول الوقت، ومفيش مانع تقول “تعبان”.
قولها.. حتى لو مش متعود.
ارتاح شوية..
مش ضعف إنك تطلب حضن،
ولا عيب إنك تبكي،
ولا غلط إنك تقول: “مش قادر.”
لما البطل يتعب، لازم يعرف إن له حق زي غيره،
حق في الراحة، في الدعم، في الطبطبة.
محدش بيقدر يفضل منقذ طول الوقت،
ومفيش قلوب بتتحمل من غير ما تتوجع.
